काठमाडौँ, १८ असार । उपप्रधानमन्त्री तथा सहकारी तथा गरिबी निवारण मन्त्री चित्रबहादुर केसीले नेपालमा ५९ वर्षदेखि चल्दै आएको सहकारीको व्यवसायले देशको नै आर्थिक सुधार गर्दै गएको र भविष्य उज्ज्वल रहेको बताउनुभएको छ ।
चौरानब्बेऔँँ अन्तर्राष्ट्रिय सहकारी दिवसको अवसरमा राष्ट्रिय सहकारी सङ्घले आज आयोजना गरेको अन्तक्र्रियामा केसीले संसारका धेरै मुलुकमा सहकारीको व्यवसाय रहेको र चीन, भारत, क्यानाडाजस्ता मुलुकले सहकारीको माध्यमबाट गरेको प्रगतिबाट नेपालले पाठ सिक्नुपर्ने बताउनुभयो । उहाँले नेपालको सहकारी क्षेत्रमा पैसा बटुलेर करोडाँै रुपैैयाँ बोकी बेपत्ता हुने विकृतिलाई रोक्न सरकारले उनीहरुलाई नियन्त्रण तथा ठीक ट्र्याकमा ल्याउन नयाँ ऐन तर्जुमा गर्ने प्रक्रिया सुरु भएको बताउनुभयो ।
सङ्घका सल्लाहकार तथा पूर्व उपप्रधानमन्त्री भरतमोहन अधिकारीले देशमा दिगो आर्थिक विकासका लागि सहकारीको भूमिका विस्तार गर्नुपर्ने बताउनुभयो ।
अर्का सल्लाहकार तथा पूर्व मन्त्री गणेश शाहले सहकारीमा रहेका विकृति हटाउन सहकारीकर्मीलाई पेसागत शिक्षा दिनुपर्ने आवश्यकता औँल्याउनुभयो ।
राष्ट्रिय योजना आयोगका उपाध्यक्ष युवराज खतिवडाले सहकारी व्यवसाय भनेको स्वनियममा बस्नुपर्ने व्यवसाय भएकाले यसभित्र रहेका विकृतिहरु स्वयम् सहकारीकर्मीले निराकरण गर्नुपर्ने बताउनुभयो ।
गरिबी निवारण मन्त्रालयका सचिव शङ्करप्रसाद अधिकारीले मुलुकमा १५ जिल्लामा सहकारीको संस्था विस्तार गर्ने, सहकारीमाथिको अनुगमन क्षमता सुदृढ गर्ने बताउनुभयो ।
कार्यक्रममा उपप्रधानमन्त्री केसीले सहकारीको क्षेत्रमा उत्कृष्ट काम गर्ने सहकारी संस्थाहरुलाई पुरस्कार तथा कम्प्युटर वितरण गर्नुभएको थियो ।
संघका अध्यक्ष केशवप्रसाद बडालले सभापतित्व गर्नुभएको कार्यक्रममा सङ्घका पूर्व अध्यक्ष दीपकप्रकाश बाँस्कोटाले पनि विचार व्यक्त गर्नुुभएको थियोे । रासस
No related posts.
No comments:
Post a Comment