नवलपरासी, १५ साउन । महिला तथा बालबालिका कार्यालय नवलपरासीले द्वन्द्वपीडित समुदायलाई प्रोत्साहन गर्न रकम वितरण गरेको छ ।
जिल्लाका सोमनीका द्वन्द्वपीडित महिला समुदायलाई जीविकोपार्जन उन्मुख गराउन तालिम दिएर प्रतिव्यक्ति तीन हजार ५०० दरले आर्थिक सहयोग समेत गरेको छ ।
कार्यालय प्रमुख उर्भरा लुइँटेलले सोमरीका २० जना द्वन्द्वपीडित महिलालाई तरकारीखेती तालिम दिएर मल बीउको प्रोत्साहनसहित सो रकम सहयोग गरेको बताउनुभयो ।
सो लक्षित महिलालाई रु ७० हजार नगद रकम हस्तान्तरण गरिएको थियो । तालिम पाएका द्वन्द्वपीडित महिलाले अहिले आधुनिक खेती सुरु गरेको र जसबाट उनीहरु जीविकोपार्जन तर्फ उन्मुख भएको कार्यालय प्रमुख लुइँटेलको भनाइ छ ।
तालिम पाए पश्चात् आफूहरु आधुनिक कृर्षि तर्फ उन्मुख भई सो आम्दानीले घरपरिवारको खर्चसमेत चलाउँदै आएको मनकामना महिला विकास समितिकी सचिव पिलादेवी चौधरीले बताउनुभयो ।
चौधरीले भन्नुभयो ‘तालिम पाएर आफूहरु व्यावसायिक कृर्षि तर्फ आकर्षित बनेका छाँै । नवलपरासीको सोमनी गाविस– ७ बरगदवा गाउँमा २०६२ साल वैशाख २ गते एकैराति १२ जना सर्वसाधारणको हत्या भएको घटनाले अझै पनि यस गाउँका स्थानीयवासी द्वन्द्वको प्रभावबाट मुक्ति पाउन सकेका छैनन् ।
सो गाउँमा तत्कालीन (माओवादी) कार्यकर्ताले तत्कालीन प्रतिकार समूहका सदस्यलाई आक्रमण गर्न खोज्दा दुई बालकसहित बरगदवा गाउँका १२ जना सर्वसाधारण मारिएका थिए । रासस
No comments:
Post a Comment