क्याम्बोडिया, १६ साउन । क्याम्बोडियाका प्रधानमन्त्री साम्देक टेको हुन सेनले इराक र मध्यपूर्वका देशहरुमा रक्तपातपूर्ण द्वन्द्व मच्चाउनमा अमेरिकाको हात रहेको भनी दोषारोपण गरेका छन् ।
राजधानी न्होमपेन्को पिस प्यालेसमा भेला भएका युवा समूहलाई सम्बोधन गर्दै प्रजातन्त्र र मानव अधिकारको प्रबद्र्धन गर्ने नाममा अमेरिकाले मध्यपूर्वका देशहरुमा रक्तपातपूर्ण द्वन्द्वको ज्वाला फैलाउने काम गरिरहेको बताएका छन ।
यसैकारण दिनहूँ सयौं, हजारौं मानिसहरु मारिइ रहेका र दसौं लाख त्रस्त नागरिकहरु आफ्नो देश छाडी यूरोपतर्फ पलायन हुन बाध्य पारेको भन्ने आरोप पनि उनले लगाएका छन् ।
“गलत प्रवृत्तिले विश्व राजनीति चलाउँदा यस्तो परिणाम निस्केको र अमेरिकाले गलत राजनीति गरिरहेको छ ।
अमेरिकी नेतृत्वको सैनिकशक्तिले इराकलाई परास्त गरी सद्दाम हुसेनको मृत्यु भएपछि यसले मध्यपूर्वका इन्धन धनी राष्ट्रहरुलाई दीर्घकालिक द्वन्द्वतर्फ उन्मुख गराएको” उनले थपेका छन् ।
अमेरिका उपर उनको यस्तो दोषारोपण एक क्षणिक आवेश र आफ्ना मुलुकका जोशिला युवाहरुलाई दिग्भ्रमित पार्ने गैरजिम्मेवार टिप्पणी मात्र हो भन्ने अनुमान गरिएको छ । रासस ÷सिन्ह्वा
No comments:
Post a Comment