काठमाडौँ, १५ साउन । उपराष्ट्रपति नन्दबहादुर पुनले मुलुकमा अन्तर्राष्ट्रियस्तरको गुणस्तरीय शिक्षाको विकास गरी विश्वव्यापी रुपमा प्रतिस्पर्धा गर्ने जनशक्ति निर्माण गर्नुपर्ने खाँचो रहेको बताउनुभएको छ ।
पे्रसिडेन्टियल बिजिनेस स्कुलले आज आयोजना गरेको दीक्षान्त समारोहमा उपराष्ट्रपति पुनले स्वदेशमा अध्ययन सकेका जनशक्तिले आफ्नो डिग्रीलाई थन्काएर खाडी मुलुकमा जान बाध्य रहेको अहिलेका अवस्थामा समयसापेक्ष उत्पादनमुखी शिक्षाको विकास गर्नुपर्नेमा जोड दिनुभयो ।
उहाँले समृद्ध नेपाल निर्माणका लागि युवा जनशक्तिलाई स्वदेशमा उपयोग गर्नुपर्ने बताउँदै देशभित्र केही गर्छु भन्ने जनशक्तिलाई राज्यले संरक्षण गर्नुपर्छ भन्नुभयो ।
सो अवसरमा मध्यपश्चिम विश्वविद्यालयका उपकुलपति प्रा डा उपेन्द्र कोइरालाले देशमा व्यवस्थापनको अभावले विकासनिर्माणका काम अगााडि बढ्न नसकेको बताउनुभयो ।
स्कुलका कार्यकारी निर्देशक लक्ष्मण केसीले स्वदेशमा अन्तर्राष्ट्रिय तहको गुणस्तरीय शिक्षा प्रदान गर्न आफूहरु प्रतिबद्ध रहेको बताउनुभयो भने निर्देशक कल्पना गुरुङले उच्च शिक्षालाई सहज, गुणस्तरीय र सबैको पहुँचमा पु¥याउन सरकारले नीतिगत तथा आवश्यक सहयोग गर्नुपर्नेमा जोड दिनुभयो ।
स्कुलका विद्यार्थी अनुज श्रेष्ठ, नीलम केसी, केकी अधिकारी, कल्याण अधिकारी र सन्जोग राईले विद्यालयका गतिविधि तथा सिकेका अनुभव सुनाउनुभएको थियो । कार्यक्रममा स्नातक तथा स्नातकोत्तर तहको अध्ययन पूरा गरेका विद्यार्थीलाई दीक्षित गरिएको थियो । रासस
No comments:
Post a Comment