डोनाल्ड ट्रम्पलाई राष्ट्रपतिको उम्मेदवार बनाउने रिपब्लिकन पार्टीको निर्णय

अमेरिकाको रिपब्लिकन पार्टीले आउँदो राष्ट्रपति चुनावका लागि डोनाल्ड ट्रम्पलाई उम्मेदवार बनाउने औपचारीक निर्णय गरेको छ ।
दुई दिनसम्म चलेको रिपब्लिकन पार्टीको महाधिवेशनले ट्रम्प राष्ट्रपतिको चुनावी होडमा रहने औपचारिक घोषणा गरेको हो ।
१३ महिना लामो अभियानपछि रिपब्लिकन पार्टीले उम्मेदवारको टुंगो लगाएको छ ।
राष्ट्रपतिको चुनावमा रिपब्लिकन पार्टीका तर्फबाट उम्मेदवार बन्न चाहने १७ जना रहेकामा ट्रम्पले सबैभन्दा बढी १ हजार ७ सय २५ मत पाएको अन्तर्राष्ट्रिय सन्चारमाध्यमले जनाएका छन् ।
यस्तैगरी ईन्डियाना राज्यका गर्भनर माईक पेन्सलाई उपराष्ट्रपतिको उम्मेदवार चयन गरिएको छ ।
राष्ट्रपति चुनावका लागि उम्मेदवार चयन भएपछि भिडियोमार्फत सम्मेलनलाई सम्बोधन गर्दै ट्रम्पले आउँदो चुनाव जितेर अमेरिकामा सही अर्थमा परिवर्तन ल्याउने दावी गरे ।
उनले रोजगारी सिर्जना गर्ने, सेनालाई बलियो बनाउने, सीमा सुरक्षा बढाउने, कानूनी शासन बहाल गर्ने प्रतिबद्धता जनाएको छ । अमेरिकामा राष्ट्रपतिको चुनाव आउँदो नोभेम्बरमा हुनेछ ।

No related posts.