धनकुटा, १४ साउन । धनकुटाको सिधुवामा हिजो भएको यात्रुबस दुर्घटनामा निधन भएका पूर्व अर्थ राज्यमन्त्री हरिराज खेवाको पार्थिव शरीर श्रद्धाञ्जलिका लागि अहिले हुलाकटोलस्थित चुवाको बोट चौकमा राखिएको छ ।
बिहान करिब ११ बजेबाट श्रद्धाञ्जलि दिन सुरु गरिएको हो । खेवाको पार्थिव शरीरमा नेकपा (माओवादी केन्द्र)का पोलिटब्यूरो सदस्य हेमराज भण्डारीले पार्टीको झन्डा ओढाउनुभएको छ ।
त्यस्तैगरी पार्टीका पोलिटब्यूरो सदस्य श्रीप्रशाद जवेगु, मुक्साहाङ लिम्बू, हिमाल सुवेदीलगायतका नेता कार्यकर्ता, आफन्त, शुभेच्छुक लगायतले श्रद्धाञ्जलि दिने क्रम चलिरहेको छ । श्रद्धाञ्जलिका लागि ठूलो सङ्ख्यामा मानिस भेला भएका छन् । रासस
No related posts.
No comments:
Post a Comment