वालिङ, २५ साउन । स्याङ्जाको कालिकाकोटमा घाँस काट्ने क्रममा भिरबाट लडेर एक वृद्धको ज्यान गएको छ । वडा प्रहरी कार्यालय वालिङका प्रहरी निरीक्षक उत्तमप्रकाश बरालका अनुसार कालिकाकोट–१ बस्ने ६५ वर्षीय यामकान्त डुम्रेको ज्यान गएको हो ।
आज बिहान खरबारीमा घाँस काट्ने क्रममा एक्कासि लडेका डुम्रे झन्डै ५० मिटर तल खस्नुभएको प्रहरीले जनाएको छ । डुम्रेको घटनास्थलमा नै मृत्यु भएपछि शव परीक्षणका लागि वालिङ प्राथमिक स्वास्थ्य केन्द्रमा ल्याइएको छ । रासस
No comments:
Post a Comment