टोक्यो, १५ भदौ । जापानको उत्तर र उत्तरपूर्वी क्षेत्रमा मङ्गलबार बिहानदेखि आएको ‘लायनरक’ नामक तूफानको कारण १० व्यक्तिको मृत्यु हुनुको साथै अन्य तीनजना बेपत्ता भएका छन् ।
स्थानीय सञ्चारमाध्यमले बुधबार सो जानकारी दिएका बताइएको छ । ती सञ्चारमाध्यममार्फत सरकारले खतराको सङ्केत गर्दै सबैलाई सुरक्षित र सतर्क अवस्थामा रहन पनि आग्रह गरेको छ ।
नौ व्यक्तिको शव इवेटे प्रान्तको एक नर्सिङ्ग होमनजिकै फेला परेको स्थानीय प्रहरीस्रोतले जानकारी दिएको छ । सो प्रान्तको कुजी सहरमा एक महिलाको शव फेला परेको छ ।
यस तूफानको कारण सुदूरउत्तर होक्काइदो प्रान्तमा तीन व्यक्ति वेपत्ता भएका छन् । सोही तूफानले होक्काइदो प्रान्तको टोहोकु क्षेत्रमा चार लाख व्यक्तिलाई खतरा पु¥याएको भन्दै उद्वारगरी अन्यत्रै सारिएको बताइएको छ । रासस÷सिन्ह्वा
No comments:
Post a Comment