सिन्धुपाल्चोकमा पहिरोमा परिँदा एकै परिवारका ३ जनाको मृत्यु

सिन्धुपाल्चाक, १५ असोज । अविरल वर्षापछि आएको पहिरोले सिन्धुपाल्चोकमा एकै परिवारको तीन जनाको मृत्यु भएको छ ।
मृत्यु हुनेमा राम्चे गाविस ७ पुराना गाउँका ३५ वर्षीया रामकुमार तिमिल्सना, उद्धब तिमिल्सिना र उहाँकी श्रीमती सम्झना तिमिल्सिना रहेको प्रहरीले जानकारी दिएको छ ।
अविरल वर्षाले आज बिहान ३ बजेतिर घरमाथिबाट आएको पहिरोले पुरेर उनीहरुको मृत्यु भएको इलाका प्रहरी कार्यालय बाह्रविसेका प्रहरी निरीक्षक राजु पाण्डेले जानकारी दिनुभयो ।
पहिरोले पुरीएका अन्य दुई जनाको भने स्थानीयले उद्धार गरेका थिए । पहिरोले दुइ वटा अस्थाई टहरा समेत पुरेको छ ।

No related posts.