पोखरा, १५ असोज । पोखरा उपमहानगरपालिका–२८ अर्मलास्थित अन्नपूर्ण माविलाई जापानको कोमागाने नगरपालिकाका कर्मचारी र लेवर युनियनद्वारा संयुक्त रुपमा रु दुई लाख ७५ हजार मूल्य बराबरको सौर्यबत्ती प्रदान गरिएको छ ।
उपमहानगरपालिका र कोमागाने नगरपालिकाबीच भगिनी सम्बन्ध गाँसेको १५ वर्ष पुगेका अवसरमा पोखरा आएका कोमागानेका प्रतिनिधिले सो विद्यालयको निरीक्षणपछि शुक्रबार विद्यालयमा आयोजित कार्यक्रममा उक्त सौर्यबत्ती हस्तान्तरण गरिएको हो ।
विद्यालयको शैक्षिक उन्नयनका लागि प्राप्त सो सामग्रीको भरपुर उपयोग गरिने प्रअ यमनाथ लामिछानेले जानकारी दिनुभयो ।
रासस
No comments:
Post a Comment