सुरुङ्गा (झापा), २१ कात्तिक । सूचना तथा सञ्चारमन्त्री सुरेन्द्रकुमार कार्कीले छठ मैथिल समुदायको मात्र नभई नेपालीको साझा पर्वका रुपमा विकास भएको बताउनुभएको छ ।
छठ पूजा सेवा समिति बिर्तामोडले विरिङ नदीमा आज आजोजना गरेको पूजा समारोहको उद्घाटन गर्दै उहाँले पछिल्लो समय छठ सबै नेपालीको साझा पर्वका रुपमा विकास भएको र बन्धुत्वको विकास गराएको बताउनुभयो ।
सरकारको प्रवक्तासमेत रहनुभएका मन्त्री कार्कीले संविधान कार्यान्वयन लागि सबै दल एक ठाउँमा उभिनुपर्ने र ती दललाई एक ठाउँमा उभ्याउन जनस्तरबाट पनि दबाब दिनुपर्नेमा जोड दिनुभयो ।
मुलुक विकास निर्माणको चरणमा प्रवेश–नेता नेम्बाङ
नेकपा (एमाले)का नेता सुवास नेम्बाङले अब मुलुक विकास निर्माणको चरणमा प्रवेश गरेको बताउनुभएको छ ।
कनकाई माईको पूर्वी तटमा छठपूजा समारोहको आज उद्घाटन गर्दै उहाँले जनताका प्रतिनिधिद्वारा संविधान लेख्ने नेपाली जनताको सपना पूरा भएकाले मुलुक अब विकास निर्माणको चारणमा प्रवेश गरेको बताउनुभयो ।
नेता नेम्बाङले छठ सम्पूर्ण नेपालीको साझा पर्वको रुपमा विकसित हुँदै गएकाले यस पर्वलाई मधेसी तथा आदिवासीको मात्र पर्व हो भन्ने मान्यता राख्न नहुने पनि धारणा राख्नुभयो । रासस
No related posts.
No comments:
Post a Comment