काठमाडौँ, ३ माघ । नेपाल पुलिस क्लबले न्यू होराइजन क्रिकेट क्लब, बुटवललाई पराजित गर्दै दोस्रो रुस्लान कप क्रिकेट प्रतियोगिताको फाइनलमा प्रवेश गरेको छ ।
कीर्तिपुरस्थित त्रिवि क्रिकेट मैदानमा आज भएको खेलमा पुलिसले होराइजनलाई ७ विकेटले हराउँदै फाइलनमा प्रवेश गरेको हो । टस हारेर पहिले ब्याटिङको निम्तो पाएको न्यू होराइजनले निर्धारित २० ओभरमा ८२ रन जोड्दै अल आउट भएको थियो ।
होराइजनले दिएको ८३ रनको लक्ष्यलाई पुलिसले १७ दशमलव ४ ओभरमा ३ विकेट गुमाउँदै भेट्टायो । पुलिसको जितमा सुनील धमलाले ३६ रनको योगदान गरे । त्यस्तै, योगेन्द्र कार्कीले २० रन लिए भने अरिफ शेखले १७ रन जोडे ।
यता होराइजनका ब्याट्सम्यान कृष्ण कार्कीले २५ तथा शङ्कर रानाले १६ रन जोड्नुबाहेक अन्य ब्याट्सम्यानले दोहोरो अङ्क जोड्न सकेनन् । उसलाई सस्तैमा समेट्ने क्रममा पुलिसका दीपेन्द्रसिंह ऐरी एक्लैले ३ विकेट लिए । त्यस्तै, ललित भण्डारी, रामनरेश गिरी, कुशल भुर्तेल, सुनिल धमला तथा मञ्जीत श्रेष्ठले समान १÷१ विकेट लिए ।
त्यसैगरी, सोही मैदानमा आजै भएको अर्को खेलमा नेपाल आर्मी क्लबले एसपिए धनगढीलाई ७० रनले पराजित गर्दै फाइनलमा प्रवेश गरेको छ । टस जितेर पहिले ब्याटिङ गरेको आर्मीले २० ओभरमा ६ विकेट गुमाउँदै १८७ रनको योगफल तयार ग¥यो । जवाफी ब्याटिङमा उत्रेको धनगढी २० ओभर पूरै खेल्दै ७ विकेटको क्षतिमा ११७ रनमा समेटियो ।
आर्मीको जितमा सागर पुनले सर्वाधिक ७५ रनको योगदान दिए । त्यसैगरी, राजेश पुलामीले ५५ तथा अनिलकुमार मण्डलले ३० तथा राजु रिजालले १२ रन जोडे ।
त्यस्तै, धनगढीका ब्याट्सम्यान विजय रानाले ३८ तथा रोमन बमले २५ रन जोडेका थिए । धनगढीलाई ११७ रनमा समेट्ने क्रममा आर्मीका अभिनाश कर्णले तीन, सागर पुन र जीतेन्द्र मुखियाले समान २÷२ विकेट लिए । भोलि (मङ्गलबार) दुई विभागीय टोली पुलिस र आर्मी उपाधिका लागि भिड्नेछन् । रासस
No related posts.
No comments:
Post a Comment