हेटौँडा, १३ फागुन । मन्त्रिपरिषद्का पूर्वअध्यक्ष खिलराज रेग्मीले हिंसा र राजनीतिक द्वन्द्वबाट देशलाई मुक्त पार्न र मानवकल्याणका लागि अहिले वैदिक संस्कार र आध्यात्मिक चेतनाको आवश्यकता बढेको बताउनुभएको छ ।
रेग्मीले भारतीय जगत्गुरु सतपाल महाराजजीसँगै नेपाल मानव धर्म सेवा समितिको स्वर्ण महोत्सव तथा सत्सङ्ग महोत्सवको आज यहाँ संयुक्त रुपमा उद्घाटन गर्दै उहाँले राष्ट्रलाई आध्यात्मिक चेतनाका माध्यमबाट आर्थिक रुपमा आत्मनिर्भर बनाउनेतर्फ धार्मिक सङ्घसंस्थाले अगुवाइ गर्न आवश्यक छ भन्नुभयो ।
जगत्गुरु सतपालले राष्ट्रको बृहत् उत्थानका लागि प्रत्येक मानवलाई आध्यात्मिक चेतनाको माध्यमबाट समाजलाई उत्थान गर्नेतिर ध्यान दिन आग्रह गर्नुभयो ।
सो अवसरमा समितिद्वारा प्रकाशित स्मारिकाको पनि लोकार्पण गरिएको थियो । शनिबारसम्म चल्ने महोत्सवमा नेपालसहित भारत, भुटान र श्रीलङ्काका स्वामी, साधुसन्त, महन्तसहित करिब चार हजार प्रतिनिधिको सहभागिता रहेको कार्यक्रम प्रचार समितिका संयोजक सागर कटुवालले जानकारी दिनुभयो । रासस
No comments:
Post a Comment