काठमाडौं लगायत देशभरका निर्वाचन सम्पन्न स्थानहरुमा मतगणना जारी

देशभरका नेपालीहरुको चासो रहेको देशकै राजधानी काठमाडौं महानगरपालिकाको मतगणना जारी रहेको छ ।
मुख्य दलहरुका उम्मेदवार तथा अन्य साना दल एवं स्वतन्त्र उम्मेदवारहरु समेत चुनावी मैदानमा रहेकाले यहाँको मतपरिणामलाई कौतुहलताका साथ हेरिएको छ ।
काठमाडौंमा विशेष गरेर नेपाली काँग्रेस र एमालेका उम्मेदवारहरुका बीचमा नै प्रतिस्पर्धा हुने धेरैको अनुमान रहेको छ तथापि एमाले र नेपाली काँग्रेस दुबै दलका मेयरका उम्मेदवारहरु आफूले नै जित्ने दाबी गरिरहेका छन् ।
त्यसैगरी देशभरको हालसम्मको मतपरिणाम अनुसार ७० वटा स्थानमा मतगणना जारी रहेको अवस्थामा तीन स्थानमा एमालेले जितेको छ भने नेपाली काँग्रेसले १ स्थानमा जितेको छ । त्यसैगरी
३३ स्थानमा एमालेले अग्रता कायम गरेको छ भने २३ स्थानमा नेपाली काँग्रेस र १९ स्थानमा माओवादी केन्द्रले अग्रता कायम गरेका छन् ।
एमालेले जितेका स्थानमा मनाङको च्यामे र नेस्याङ गाउँपालिका प्रमुखमा जितेको छ । त्यसैगरी डोल्पाको से फोक्सुण्ड गाउँपालिकामा एमाले निर्विरोध भइसकेको छ भने मनाङको नार्फूमा नेपाली काँग्रेस निर्विरोध निर्वाचित भएको छ ।

No related posts.