लुम्बिनी, १७ जेठ । नेपाली काँग्रेस रुपन्देहीले जिल्लाको १६ स्थानीय तहमध्ये सात स्थानीय तहमा उम्मेदवारको टुङ्गो लगाएको छ ।
एक नगरपालिकासहित छवटा गाउँपालिकाको उम्मेदवारको टुङ्गो लगाइएको हो । १६ स्थानीय तहमध्ये एक उपमहानगरपालिका, चार नगरपालिका र चार गाउँपालिकाको उम्मेदवारको टुङ्गो पनि दुई÷तीन दिनभित्रै लगाइसक्ने नेपाली काँग्रेस रुपन्देहीका सभापित अब्दुल रज्जाकले जानकारी दिनुभयो ।
उहाँका अनुसार लुम्बिनी सांस्कृतिक नगरपालिकाको प्रमुखमा मोहम्मद शइद खाँ र उपप्रमुखमा नववती यादव, कञ्चन गाउँपालिकाको अध्यक्षमा डोलबहादुर थापा र उपाध्यक्षमा तीर्थकुमारी थारु, गैडहवा गाउँपालिका अध्यक्षमा वसिउल्लाह मुसलमान र उपाध्यक्षमा रीता पुन, मायादेवी गाउँपालिका अध्यक्षमा धुव्रनारायण चौधरी र उपाध्यक्षमा तारा यादव, कोटहीमाई गाउँपालिका अध्यक्षमा वीरेन्द्रकुमार कलवार र उपाध्यक्षमा सम्पात्ति यादव, मर्चवारी गाउँपालिका अध्यक्षमा ज्ञानप्रकाश मिश्र र उपाध्यक्षमा कान्ती बरइ उम्मेदवार बन्नुभएको छ । रासस
No comments:
Post a Comment