हीरक जयन्ती मनाउँदै प्रज्ञा–प्रतिष्ठान

काठमाडौँ, ५ जेठ । नेपाल प्रज्ञा–प्रतिष्ठानले हीरक जयन्तीका अवसरमा शनिबारदेखि ‘त्रिदिवसीय राष्ट्रिय वाङ्यमय सङ्गोष्ठी’ आयोजना गर्दैछ ।

प्रधानमन्त्री पुष्पकमल दाहाल ‘प्रचण्ड’ ले उद्घाटन गर्ने सङ्गोष्ठीमा साहित्यका विभिन्न विधा, दर्शन र नेपाल–भारत मैत्री सन्धि आदि विषयमा विमर्श हुने प्रतिष्ठानका सदस्य सचिव डा जीवेन्द्रदेव गिरीले जानकारी दिनुभयो । विसं २०१४ मा सो प्रतिष्ठानको स्थापना भएको हो । कार्यक्रममा सहभागी हुन भारतका सिक्किम, दार्जिलिङ, सिलिगुढीलगायतबाट नेपालीभाषी साहित्यकार पनि नेपाल आउनेछन् । रासस

No related posts.