काँग्रेसले जेठ १२ गतेसम्म पार्टीका उम्मेदवारको टुङ्गो लगाउने

काठमाडौ, ४ जेठ । नेपाली कांग्रेसले पहिलो चरणको चुनावमा सोचेजस्तो अपेक्षित  परिणाम नआएको निष्कर्ष निकालेको छ ।
पार्टी कार्यालय सानेपामा बिहीबार बसेको काग्रेस शिर्ष नेता तथा काठमाडौमा उपलव्ध केन्द्रीय सदस्यहरुको बैठकले  दोस्रो चरणको स्थानीय चुनावमा प्रभावकारी ढंगले प्रस्तुत हुने र बढीभन्दा बढी परिणाम आफ्नो पक्षमा पार्ने निर्णय समेत गरेको छ ।
बैठकपछि महामन्त्री डा. शशांक कोइरालाले अहिलेको परिणामको समीक्षा गर्दै दोस्रो चरणको चुनावमा प्रभावकारी ढंगले प्रस्तुत हुनुपर्छ भन्ने बिषयमा छलफल भएको जानकारी दिनुभयो । त्यस्तै बैठकमा संबिधान संसोधनका बिषय र सरकार परिवर्तनका बिषयमा पनि छलफल भएको उहाले जानकारी दिनुभयो ।
त्यस्तै काग्रेस केन्द्रीय महेश आचार्यले पनि अहिलेको परिणामको समीक्षा भएको र आगामी चुनावी रणनीति तय गर्ने र दोस्रो चरणको चुनावमा अलि प्रभावकारी ढंगले प्रस्तुत हुने निर्णय भएको जानकारी दिनुभयो ।
त्यस्तै  माओवादी काग्रेसबिच सरकार गठनका समयमा भएको सहमति र पूर्वसहमति अनुसार माओवादी अध्यक्ष पुष्प कमल दाहालले अब कांग्रेस सभापति देउवालाई सत्ता हस्तान्तरण गर्ने आचार्यले जानकारी दिनुभयो ।

No related posts.