पोखरा, २२ जेठ । विश्व वातावरण दिवसको अवसरमा फिर्के–वुलौँदी र पोखरा उपत्यका बृहत् सरसफाइ अभियानका क्रममा खिचिएका फोटोहरुको प्रदर्शनी गरिएको छ ।
‘हप्तामा एक घन्टा राष्ट्रका लागि स्वय् सेवा गरौँ’ भन्ने मूल नाराका साथ एक वर्षअघि विश्व वातावरण दिवसको अवसर पारेर फिर्केखोलाको सिरान अँधेरीखोलाबाट सरसफाइ अभियान थालिएको थियो । सरसफाइ अभियान १८औँ हप्तासम्म चलेको थियो भने १९औँ हप्तापछि पोखरा बृहत् सरसफाइ अभियानमा परिणत भएको थियो ।
फिर्के–वुलौँदी सफाइ अभियानमा ५६३ मेट्रिक टन फोहर सङ्कलन गरिएको अभियानका संयोजक रामबहादुर पौडेलले जानकारी दिनुभयो ।
सो अवधिमा ५४० विभिन्न सङ्घसंस्थाका ६३ हजार मानिस सहभागी थिए । पोखराको पार्दीस्थित नेपाल पर्यटन बोर्डको सभाहलमा त्यस क्रममा खिचिएका एकसयवटा फोटो प्रदर्शनीमा राखिएको छ । रासस
No comments:
Post a Comment