महादेव कुण्ड र चाँगुनारायणमा मेला

भक्तपुर, १३ साउन । नागपञ्चमी र रक्षाबन्धनका अवसरमा आज चाँगुनारायण नगरपालिका नगरकोटस्थित महादेव कुण्ड र चाँगुनारायण मन्दिरमा दिनभर दर्शनार्थीको घुइँचो लागेको छ ।

महादेव कुण्डमा बिहानैदेखि स्नान गरी दर्शन गर्नेको घुइँचो लागेको छ । जनैपूर्णिमाको दिनमा मेला लाग्ने यस कुण्डमा आजै रक्षाबन्धन पर्व मनाइने भएकाले मेला लागेको नगरकोट नाल्दुम पर्यटन विकास समितिका धनबहादुर लामाले जानकारी दिनुभयो ।

यता चाँगुनारायण मन्दिरमा पनि आज नागपञ्चमीका अवसरमा मेला लागेको छ । आज बिहानैदेखि पूजा गर्ने र दूध चढाउने दर्शनार्थीको घुइँचो लागेको पुजारी चक्रधरानन्द राजोपाध्यायले जानकारी दिनुभयो । रासस

No related posts.