मेलम्ची, ७ भदौ । अविरल वर्षाका कारण सिन्धुपाल्चोकको मेलम्ची नगरपालिका–११ मा आज बिहान पहिरो जाँदा दुई घरसहित एउटा गाडी पुरिएको छ ।
पहिराका कारण हेलम्बु राजमार्गसमेत अवरुद्ध भएको छ ।
मेलम्ची बजारमाथिबाट पहिरो खस्दा स्थानीय टेकलाल श्रेष्ठ र महेश श्रेष्ठको घरमा क्षति पुगेको छ भने बा १३ प ८७३१ नम्रबको गाडी पुरिएको छ । पहिरो पन्छाउन एक्साभेटर प्रयोग गरिएको इलाका प्रहरी कार्यालय मेलम्चीका प्रहरी निरीक्षक नवराज ढुंगानाले जानकारी दिनुभयो ।
उक्त स्थानमा पुनः पहिरो झर्ने सम्भावना रहेकाले अहिले केही घरलाई खाली गराइएको छ । रासस
No comments:
Post a Comment