जितपुर (कपिलवस्तु), १४ भदौ । व्यवस्थापिका संसद सार्वजनिक लेखा समितिका सभापति डोरप्रसाद उपाध्यायले नेपाली राजनीतिमा सार्वजनिक लाभ लिएका व्यक्तिबाटै भ्रष्टाचार हुने गरेको बताउनुभएको छ ।
नेपाल पत्रकार महासंघ कपिलवस्तुले वाणगंगामा आज आयोजना गरेको पत्रकार सम्मेलनमा उहाँले सार्वजनिक लाभ लिएका व्यक्तिबाट बढी भ्रष्टाचार हुने गरेको आरोप लगाउनुभयो ।
उहाँले भन्नुभयो, –“अनियमिततालाई सरकारले नियन्त्रण गर्नुको सट्टा रमिते बनेको छ ।”
सभापति उपाध्यायले सत्ता पक्ष भ्रष्टाचारको विषयमा नबोलेपनि, कयौँ विषयमा चर्को स्वरले बोल्ने प्रतिपक्ष पनि भ्रष्टाचारको विषयमा मौन बसेकाले सत्ता पक्ष र प्रतिपक्ष एक भएका हुन् कि भन्ने आंशका उत्पन्न भएको बताउनुभयो ।
उहाँले समितिको सभापति भएर आएपछि बैंकिङ्क तरलता, नरसिंह गार्ड जल विद्युत आयोजनाको डिपिआर तयार घोटला, आयल निगम प्राधिकरणको जग्गा खरिद प्रक्रिया, एनसेल प्रकरण, आन्तरिक राजस्व जस्ता विषयमा सार्वजनिक लेखा समितिले अध्ययन गरेर आवश्यक कदम चालेको जानकारी दिनुभयो ।रासस
No related posts.
No comments:
Post a Comment