डङ्गोलको एकल कविता वाचन शनिबार

त्रिशूली(नुवाकोट), २२ भदौ । युवा कवि आरएएम डंगोलको एकल कविता वाचन कार्यक्रम शनिबार सदरमुकाममा हुने भएको छ ।
त्रिशूली वाङ्मय प्रतिष्ठान, प्रगतिशील लेखक संघ नुवाकोट र साहित्य समाज नुवाकोटको आयोजनामा सो कार्यक्रम हुन लागेको हो । विदुर नगरपालिका–२ शेरामा जन्मी दुई दशकभन्दा लामो समयदेखि कविता साधना गर्दै आउनु भएका डंगोलका ‘राशिफल हेरिरहेको मान्छे’ र ‘दश गजावारि’ कविता संग्रह प्रकाशित छन् । प्रलेसका केन्द्रीय महासचिवसमेत रहनुभएका डंगोल त्रिविमा प्राध्यापन गर्नाका साथै साहित्य समालोचना पनि गर्नुुहुन्छ । रासस

No related posts.