निजामती दिवसः रक्तदान मात्र

काठमाडौँ, २२ भदौ । आज देशभरि १४ आँै निजामती सेवा दिवस सामान्य कार्यक्रम गरी मनाइएको छ ।
‘निजामती सेवाको प्रतिबद्धता, पारदर्शिता र चुस्तता’ भन्ने मूल नाराका साथ देशभरी मनाइएको सामान्य प्रशासन मन्त्रालयका प्रवक्ता शिवराम न्यौपानेले बताउनुभयो । बाढीपहिराले यस वर्ष ठूलो धनजनको क्षति पु¥याएकाले यस वर्ष हर्षाेल्लासका साथ दिवस नमनाइएको जानकारी उहाँले दिनुभयो । दिवसका अवसरमा आज स्वास्थ्य मन्त्रालय र निजामती अस्पतालमा रक्तदान कार्यक्रम गरिएकामा करिब सय जनाले रक्तदान गरेका थिए ।
नेपालमा २०६० सालदेखि निजामती दिवस मनाइँदै आएको छ । नेपालमा करिब ८३ हजार निजामती कर्मचारी छन् । दिवसका अवसरमा आज देशभरका निजामती कर्मचारीलाई सार्वजनिक बिदा दिइएको थियो । दिवसकै अवसरमा घोषणा गरिएको १० जनालाई उत्कृष्ट निजामती सेवा र ३० जनालाई निजामती सेवा पुरस्कार अनुकूल समय मिलाएर मन्त्रालयले दिनेछ । रासस

No related posts.