बदर मत संख्या कम गराउन २० हजार कर्मचारी गाउँगाउँमा

काठमाडौ । निर्वाचन आयोगले प्रतिनिधि सभा र प्रदेश सभा निर्वाचनमा बदर मतको सङख्या कम गराउन विशेष जोड दिएको जनाएको छ ।
स्थानीय तहको चुनाबमा बदर मतसङख्या धेरै भएको र गाउँगाउँसम्म मतदाता शिक्षाको कार्यक्रम नपुगेको भन्दै आलोचना भएपछि निर्वाचन आयोग यसपटक मतदाता शिक्षा कार्यक्रमलाई प्रभावकारी बनाउन लागेको हो ।
मतदाता शिक्षा कार्यक्रमका लागि खटिएका मतदाता स्वयंसेवकहरुको नियुक्ति सुरु हुने र १५ गते बाट मतदाता शिक्षकहरु गाउँगाउँमा खटिने गरी कार्यतालिका तयार पारिएको आयोगका प्रवक्ता नवराज ढकालले जानकारी दिए । मतदाता शिक्षाका लागि २० हजार कर्मचारी गाउँगाउँमा खटिएका छन् ।
यस्तै आयोगले राजनीतिक दलका कार्यकर्तालाई पनि मतदाता शिक्षा सम्बन्धि तालिम दिएर घरघरसम्म पुग्ने गरी खटाउने तयारी गरेको हो । प्रवक्ता ढकालका अनुसार भोलि राजनीतिक दल सम्बद्ध युवा कार्यकर्तालाई मतदाता शिक्षा सम्बनिध तालिम दिने र १५ गतेबाट मतदाताका बिचमा पठाउने तयारी आयोगले गरेको छ ।