जनकपुरधाम, १४ कात्तिक । आइतबार सरकारसँग हुने वार्तालाई दृष्टिगत गर्दै संयुक्त लोकतान्त्रिक मधेसी मोर्चाको बैठक आजदेखि जनकपुरमा सुरु भएको छ ।
बैठकमा यसअघि सरकारसँग भएको वार्ता र त्यसको समीक्षा, आजसम्म तराई मधेसमा भएको आन्दोलनको समीक्षा, सरकारसँग भोलि हुने वार्ताको समीक्षा हुने बैठकमा सहभागी एक सदस्यले जनाएका छन् ।
भोलिको वार्ता सकारात्मक नभए आन्दोलनलाई सशक्त बनाउने बारेसमेत छलफल हुने सहभागीहरुले बताएका छन् ।
बैठकमा तमलोपा अध्यक्ष महन्थ ठाकुर, सद्भावना पार्टी अध्यक्ष राजेन्द्र महतो, सङ्घीय समाजवादी फोरम नेपालका अध्यक्ष उपेन्द्र यादव, तराई मधेस सद्भावना पार्टी अध्यक्ष महेन्द्रराय यादव र केन्द्रीय पदाधिकारीहरुको सहभागिता रहेको छ । रासस
No comments:
Post a Comment