ठक्करबाट नेपाली सेनाका सिपाहीको मृत्यु

धनगढी, १४ कात्तिक । बाजुरा जिल्लास्थित नेपाली सेनाको देवीबक्स गणमा कार्यरत सिपाही जमनसिंह बोहराको आज कैलाली जिल्लामा ट्रकको ठक्करबाट मृत्यु भएको छ ।

कैलाली जिल्लाकोे तेघरीस्थित नेपाली सेनाको ब्यारेक बाहिर धनगढी–डडेलधुरा सडकखण्डमा दिउँसो हिँडिरहेका अवस्थामा बोहरालाई ना४ख५७५६ नंको ट्रकले ठक्कर दिएको इलाका प्रहरी कार्यालय मालाखेतीले जनाएको छ ।

ठक्करबाट घाइते भएका बोहराको उपचारका क्रममा मृत्यु भएको हो ।

उपचारको सिलसिलामा केही दिनयता तेघरी ब्यारेकमा रहेका बोहराको स्थायी ठेगाना कञ्चनपुर जिल्ला पुर्नावास नगरपालिका रहेको बताइएको छ ।

प्रहरीले चालक सत्यराज भट्टलाई ट्रकसहित नियन्त्रणमा लिएको छ । रासस