सभामुखसमक्ष प्रतिवेदन पेस

काठमाडौँ, १३ कात्तिक । सभामुख ओनसरी घर्तीसमक्ष व्यवस्थापिका–संसद्को महिला, बालबालिका, ज्येष्ठ नागरिक तथा समाज कल्याण समितिले आज आफ्नो वार्षिक प्रतिवेदन बुझाएको छ ।

शिक्षा मन्त्रालय, महिला, बालबालिका, ज्येष्ठ नागरिक तथा समाज कल्याण, युवा तथा खेलकुद र स्वास्थ्य तथा जनसङ्ख्या मन्त्रालय हेर्ने जिम्मा पाएको सो समितिका सभापति रञ्जुकुमारी झाले प्रतिवेदन पेस गर्नुभएको हो ।

प्रतिवेदनमा समितिको कार्ययोजना, गतिविधि, सरकारलाई दिइएका निर्देशन, पालना र सम्बन्धित क्षेत्रका समस्या समाधानका चुनौती तथा सुझाव समेटिएका छन् ।

सभामुख घर्तीले समितिको सक्रियाताको प्रशंसा गर्दै संसद्मा प्रतिवेदन टेबुल गर्ने बताउनुभयो । रासस