पाँचथर, २६ कात्तिक । पाँचथरको दक्षिणी भेगका सर्वसाधारणलाई प्रशासनिक सेवा प्रवाह गर्न रवि बजारमा मङ्सिर महिनादेखि इलाका प्रशासन कार्यालय स्थापना गरिने भएको छ ।
ंं मङ्सिर महिनाभित्रै कार्यालय स्थापना गरी सेवा प्रवाह गर्ने प्रमुख जिल्ला अधिकारी पुरुषोत्तम घिमिरेले जानकारी दिनुभयो । तर नापी र मालपोत कार्यालयलगायतका केही कार्यालयबाट भने सेवा प्रवाह गर्न नसकिने उहाँको भनाइ छ ।
रविमा इलाका प्रशासन स्थापना भए रविसहित कुरुम्बा, लिम्बा, दुर्दिम्बा, हाङगुम, आरुबोटे, वलने, आङना, मौवा, माङजाबुङ, सराङडाँडा र चिलिङदेनका सर्वसाधारण प्रशासनिक कामका लागि सदरमुकाम फिदिम आउनुपर्ने बाध्यता हट्ने छ । कार्यालयबाट नागरिकता पनि वितरण गरिने बताइएको छ । रासस
No comments:
Post a Comment