इलाम, २४ मङ्सिर । नेपाली काँग्रेसका नेता पूर्णबहादुर खडकाले भारतले गरेको अघोषित नाकाबन्दी मानवीय हितविपरीत भएकाले तत्काल नाकाबन्दी खोल्न आग्रह गर्नुभएको छ ।
सञ्चारकर्मीसँग आज इलाममा सङ्क्षिप्त कुराकानी गर्दै उहाँले भारतीय नाकाबन्दीले आम नेपाली जनताले दुःख र सास्ती खेप्नुपरेकाले मधेसी मोर्चाको माग नाकामा अवरोध गरेर होइन् वार्ता र छलफलको माध्यमबाट समाधान हुनुपर्नेमा जोड दिनुभयो ।
आफ्नो पार्टीले संसदमा दर्ता गराएको संशोधन प्रस्तावलाई छिट्टै पास गरेर मोर्चाको माग सम्बोधन गरी मुलुकलाई निकास दिनुपर्नेमा उहाँको भनाइ थियो ।
फरक प्रसङ्गमा उहाँले पार्टीको आसन्न १३ आँै महाधिवेशनबाट स्वच्छ नेतृत्व चयन गर्न आफू जिल्ला भ्रमणमा निस्किएको उल्लेख गर्नु भयो । रासस
No comments:
Post a Comment