बाबियाचौर (म्याग्दी), १६ माघ । राष्ट्रिय समाचार समिति (रासस) का म्याग्दी समाचारदाता कमल खत्रीलाई शनिबार कृष्ण सेन (इच्छुक) सिर्जनशील पत्रकारिता पुरस्कार प्रदान गरिएको छ ।
क्रान्तिकारी पत्रकार सङ्घ म्याग्दीले दोस्रो जिल्ला सम्मेलनको अवसरमा पत्रकारिताको माध्यमबाट खत्रीले पु¥याएको योगदानको कदर गर्दै रु पाँच हजार राशिको उक्त पुरस्कार प्रदान गरेको हो । सङ्घका संस्थापक ओम शर्मा, एकीकृत नेकपा (माओवादी), म्याग्दीका अध्यक्ष चन्द्रबहादुर घिमिरे र शाखा अध्यक्ष सन्तोष गौतमले खत्रीलाई नगद, सम्मानपत्र र दोसल्ला ओढाएर सम्मान गर्नुभएको थियो ।
यसैबीच, सङ्घको दोस्रो सम्मेलनले खत्रीकै अध्यक्षतामा पदम विक उपाध्यक्ष, सन्दिप खत्री सचिव, सुशील थकाली कोषाध्यक्ष र प्रमिला पौडेल सहसचिव रहेको शाखाको नयाँ कार्यसमिति चयन गरेको छ । शाखाको सदस्यमा धिरन खत्री, ईश्वर सुवेदी, वुद्धि पुन, सरला परियार र मिलन बसेल रहनुभएको छ । रासस
No comments:
Post a Comment