म्याग्दी, १६ फागुन । जिल्ला स्वास्थ्य कार्यालयका प्रमुख डा रोशन न्यौपाने उत्कृष्ट स्वास्थ्य सेवा पुरस्कारबाट सम्मानित हुनुहुने भएको छ ।
स्वास्थ्य मन्त्रालयले स्वास्थ्य सेवा प्रवाहमा महत्वपूर्ण योगदान गरेको जनाई डा न्यौपानेलाई यस वर्षको उत्कृष्ट स्वास्थ्य सेवा पुरस्कारका लागि छनोट गरेको हो । पुरस्कार साथ रु एक लाख रहने छ ।
वरिष्ठ मेडिकल सुपरिटेन्डेन्ट डा न्यौपानेले स्रोत र साधनको अभाव भए पनि स्थानीयस्तरमै सहयोग जुटाएर जटिल मानिएको शल्यक्रिया सहितको सेवालाई जिल्लास्तरमै उपलब्ध गराउन सफल भएबापत छनोट गरिएको जनस्वास्थ्य प्रशासन अनुगमन तथा मूल्याङ्कन महाशाखाले जनाएको छ ।
करिब साढे दुई वर्ष अगाडि जिल्लामा आएका डा न्यौपाने हाडजोर्नी तथा नसा रोगसम्बन्धी उपचारलाई जिल्ला अस्पतालमै सुरू गरेपछि ग्रामीण क्षेत्रका बासिन्दाले समेत सहज र निःशुल्क सेवा पाइरहेका छन् । रासस
No comments:
Post a Comment