काठमाडौँ, १६ फागुन । प्रथम रुस्लान ट्वेन्टी ट्वेन्टी क्रिकेट कप प्रतियोगिताअन्तर्गत आज भएको खेलमा हिमालयन क्रिकेट एकेडेमी विजयी भएको छ ।
काठमाडाँै क्रिकेट सेन्टरको आयोजनामा शनिबारदेखि कीर्तिपुरस्थित त्रिवि क्रिकेट मैदानमा भएको उक्त प्रतियोगितामा हिमालयन क्रिकेट एकेडेमीले लर्ड बुद्ध क्रिकेट क्लबलाई ५४ रनको ठूलो अन्तरले पराजित गर्दै प्रतियोगितामा सुखद सुरुआत गरेको हो ।
खेलमा टस हारेर पहिले ब्याटिङको निम्तो पाएको हिमालयनले १९.४ ओभरमा सबै विकेट गुमाउँदै १५४ रनको योगफल तयार ग¥यो ।
हिमालयनको १५५ रनको विजय लक्ष्यलाई पछ्याएको लर्डबुद्ध एक सय रनमा नै समेटियो । लर्डबुद्ध निर्धारित २० ओभरमा सात विकेट गुमाउँदै एक सय रनमा समेटिएको हो ।
हिमालयनको जितमा अमरसिंह रौतेलाले २४ रनको योगदान दिए भने उपेन्द्र थापा र अविनाश अधिकारीले समान २२÷२२ रन जोडे ।
त्यस्तै, हिमालयनका अर्का ब्याट्सम्यान शक्ति सिंह भण्डारीले २० रन जोडे । लर्डबुद्धलाई एक सय रनमा समेट्ने क्रममा हिमालयनका सतेन्द्र जोशी र प्रोसन थापाले समान ३÷३ विकेट लिए ।
यता लर्डबुद्धका ब्याट्सम्यान सुजन थपलियाले ३५, संयोग दाहालले १८ र शेरसिंह खत्रीले २० रन जोडेका थिए ।
प्रतियोगिताको उपाधि विजेता टोलीले रु दुई लाख तथा उपविजेताले रु एक लाख पाउनेछन् । प्रतियोगितामा सशस्त्र प्रहरी बल (एपिएफ), नेपाल आर्मी क्लबलगायत काठमाडौँ उपत्यकाका १२ र उपत्यकाबाहिरका चार टोलीले प्रतिस्पर्धा गरेका छन् । रासस
No comments:
Post a Comment