भक्तपुर, १५ फागुन । नेपाल साहित्य मन्दिर भक्तपुरले यस वर्षको ‘जरिमैया साखः सिरपा पुरस्कार’ साहित्यकार अर्पणा प्रधानलाई प्रदान गरेको छ ।
आज भक्तपुरमा आयोजना गरिएको सम्मान कार्यक्रममा इतिहासकार तथा साहित्यकार ज्ञानकाजी मानन्धरले साहित्यकार प्रधानलाई रु १० हजार राशि र सम्मानपत्रसहित पुरस्कृत गर्नुभयो ।
त्यस्तै, रु १० हजार राशिको ‘जरिमैया साखः प्रोत्साहन पुरस्कार’ गजलकार बद्री वेदनालाई प्रदान गरियो भने संस्कृतिकर्मी श्रीराम वीरबललाई ‘जरिमैया सम्मान’ प्रदान गरिएको छ ।
कार्यक्रममा नेपाल साहित्य मन्दिर भक्तपुरका अध्यक्ष तिलकप्रकाशद्वारा लिखित नेपाल तथा नेपाली भाषामा अनुवाद गरिएको कथा सङ्ग्रह ‘कमला’ सार्वजनिक गरियो ।
त्यस अवसरमा ईतिहासकार तथा साहित्यकार मानन्धर, मन्दिरका अध्यक्ष कायस्थ, साहित्यकारहरु विमल ताम्राकार, राजकाजी शाक्य, त्रिरत्न शाक्य, अगिव वनेपाली, नरेन्द्रप्रसाद जोशीलगायतले नेपाल भाषाको साहित्यको विकास जरुरी रहेको औँल्याउनुभयो । रासस
No comments:
Post a Comment