सोलुखुम्बु, ३ फागुन । नेपाल सरकारका प्रवक्ता शेरधन राईले सरकारले चीनसँग ऐतिहासिक सम्झौता गर्ने योजना बनाइरहेको जानकारी दिनुभएको छ ।
फाप्लु विमानस्थलमा आज बिहान जिल्लास्थित सरकारी कार्यालयका प्रमुख तथा सञ्चारकर्मीसँगको भेटमा सूचना तथा सञ्चारमन्त्री राईले दीर्घकालीन रुपमा नाका तयार गर्ने उद्देश्यले चीनसँग नयाँ तथा ऐतिहासिक सम्झौता हुने बताउनुभएको हो ।
उहाँले वर्तमान सरकारले दुई वर्षीय सुधारको कार्ययोजना कार्यान्वयन तहमा ल्याएको बताउँदै सबै निजामती कर्मचारी सुशासन कायम गर्न अग्रसर हुन आवश्यक रहेको औँल्याउनुभयो ।
नेपालको संविधान जनताको मनसम्म पु¥याउन यसको मर्म, भावना र यसले समेटेका कानुनका बारेमा जानकार बनाउन सबै एकजुट भएर उच्च मनोबलका साथ काम गर्नुपर्नेमा मन्त्री राईले जोड दिनुभयो ।
सोलुखुम्बु पर्यटकीय जिल्ला भएकाले तत्कालै जिल्लाको विकासका लागि नक्साङ्कन गरी योजनासहित सरकारसमक्ष आउन प्रेरित गर्दै मन्त्री राईले आगामी दिनमा जिल्लालाई विकासका सबै चरणसँग जोडेर अगाडि बढाउन सरकार प्रतिबद्ध रहेको बताउनुभयो ।
प्रजिअ कृष्णप्रसाद शर्माले नेपाल टेलिकमले प्रदान गर्दै आएको सेवामा विभिन्न प्राविधिक समस्या उत्पन्न भई हप्तौँसम्म सञ्चार सेवाविहीन हुनुपर्ने समस्याले जिल्ला आक्रान्त भएकाले यसको दीर्घकालीन समाधानका लागि मन्त्री राई समक्ष आग्रह गर्नुभएको थियो ।रासस
––––––––––
No comments:
Post a Comment