सरकारको काम कछुवा गतिमा -एमाओवादी प्रवक्ता शर्मा

एमाओवादीका प्रवक्ता दिनानाथ शर्माले वर्तमान सरकारको काम कछुवाको गति जस्तै रुपमा अगाडि बढेको बताउनु भएको छ । रफत सञ्चार क्लबले आज भक्तपुरमा गरेको साक्षात्कारमा उहाँले वर्तमान सरकारको काम कारवाही प्रभाबकारी नभएको भन्दै सरकारले जनताको हितमा काम गर्न नसकेको बताउनु भएको हो । उहाँले काँग्रेसको महाधिबेशन पश्चात सरकार परिवर्तनको बिषय हल्ला मात्र भएको बताउँदै यहि सरकारलाई राष्ट्रिय सरकारको स्वरुप प्रदान गर्दै काँग्रेसलाई समेत सरकारमा सामेल गराउन शिर्ष नेताहरु लागि परेको बताउनु भयो । प्रवक्ता शर्माले नेपाल सरकारका प्रधानमन्त्रीको चीन भ्रमणमा गरिएको सम्झौताहरुको कार्यान्वयनमा जटिलता देखिएको टिप्पणी पनि गर्नुभयो ।