कांग्रेस महाधिवेसनको उद्घाटन खुलामञ्चमा

काठमाडौ, १९ फागुन। नेपाली कांग्रेसको १३औं महाधिवेशनको भोलि काठमाण्डुमा उद्घाटन हुँदैछ ।
काठमाण्डुको खुलामञ्चमा हुने उद्घाटनको तयारीका लागि आज पदाधिकारीको बैठक बस्दैछ । साँझ बैठक बस्ने कांग्रेसले जनाएको छ । उद्घाटन समारोहमा सहभागि हुन विदेश पाहुना पनि आइसकेका छन् ।
केही पाहुना आज काठमाडौ आइपुग्ने कार्यक्रम रहेको छ । महाधिवेशनको बन्द सत्र फागुन २१ देखि भृकुटीमण्डपको प्रदर्शनी हलभित्र हुनेछ । कांग्रेसका प्रवक्ता दिलेन्द्रप्रसाद बडुले फागुन २२ मा प्रतिनिधिहरूले उम्मेदवारी दर्ता गर्ने र २३ मा निर्वाचन हुनेछ तालिका रहेको जानकारी दिनुभयो ।
यसपटक विद्युतीय प्रणालीअनुसार मतदान गर्ने योजना रहेपनि अन्तिम समयमा असफल भएको छ । सम्पूर्ण शीर्ष नेतासहित २ सय ४० वटै निर्वाचन क्षेत्र, विदेशस्थित सम्पर्क समितिहरुबाट आएकासमेत गरी करिब ३२ सय प्रतिनिधि बन्द सत्रमा सहभागी हुनेछन् ।