काठमाडौँ, १६ चैत । राष्ट्रपति विद्यादेवी भण्डारी र उपराष्ट्रपति नन्दबहादुर पुनलाई प्रधानमन्त्री केपी शर्मा ओलीले हालै सम्पन्न चीनको औपचारिक भ्रमणबारे जानकारी गराउनुभयो ।
राष्ट्रपति एवम् उपराष्ट्रपति समक्ष प्रधानमन्त्रीले आज अपराह्न राष्ट्रपति निवासमा चीन भ्रमणका विविध पक्ष, त्यसक्रममा दुई देशबीच भएका पारवहन सम्झौतालगायत विषयमा विस्तृत जानकारी गराउनुभएको राष्ट्रपति कार्यालयले जनाएको छ ।
राष्ट्रपति र उपराष्ट्रपतिलाई भ्रमणका उपलब्धि एवम् अन्य समसामयिक विषयमा पनि प्रधानमन्त्रीले अवगत गराउनुभएको उक्त कार्यालयले जारी गरेको विज्ञप्तिमा उल्लेख छ ।
राष्ट्रपति एवम् उपराष्ट्रपतिले प्रधानमन्त्रीको चीन भ्रमण सफल भएकामा प्रधानमन्त्री तथा सरकारलाई बधाई एवम् धन्यवाद ज्ञापन गर्नुका साथै भ्रमणका उपलब्धिलाई यथाशीघ्र कार्यान्वयन गर्नुपर्नेमा जोड दिनुभयो । भेटमा उच्च सरकारी अधिकारीको पनि उपस्थिति थियो । रासस
No comments:
Post a Comment