बनेपा, १६ चैत । काभ्रेपलाञ्चोकको दुई भिन्दाभिन्दै स्थानमा आज बेलुका भएको सडक दुर्घटनामा पाँचजना घाइते भएका छन् ।
जिल्लाको नासिकास्थान गाविसस्थित भैँसेपाटीमा बनेपाबाट काठमाडौँ जाँदै गरेको बा६३प ३०० र बा६७प ८६२ नंको मोटरसाइकललाई विपरीत दिशाबाट आएको बा२ख ६४९७ नंको टिप्परले ठक्कर दिँदा चारजना घाइते भएका छन् ।
घाइते हुनेमा काठमाडौँको कोटेश्वर बस्ने २७ वर्षीय अङ्कित ढकाल र काठमाडौँ तीनकुने बस्ने सरिता पोखरेल रहेका छन् । दुवैजनाको अवस्था गम्भीर भएकाले उनीहरुलाई उपचारका लागि काठमाडौँ लगिएको जिल्ला प्रहरी कार्यालय धुलिखेलका प्रहरी नायब उपरीक्षक नवीनराज राईले जानकारी दिनुभयो ।
त्यस्तै सो दुर्घटनामा सिन्धुपाल्चोकका राजकुमार रसाइली र माया रसाइली पनि घाइते भएका छन् । उनीहरुको बनेपास्थित शिरमेमोरियल अस्पतालमा उपचार भइरहेको छ ।
त्यस्तै पनौती नगरापकिला–२ खड्पुमा बा१०च ६३९३ नंको हाइलेक्स गाडीले विपरीत दिशाबाट आउँदै गरेको बा६प ६९१८ नको मोटरसाइकलालाई ठक्कर दिँदा पनौतीका सुरेश कुइँकेल घाइते भएको प्रहरीले जनाएको छ । सो गाडी बनेपाबाट पनैती जाँदै थियो । रासस
No comments:
Post a Comment