चट्याङ लागेर सुतिरहेकी किशोरीको मृत्यु

चितवन, १९ चैत । चितवनको विकट लोथर गाविसमा चट्याङ लागेर एक किशोरीको ज्यान गएको छ ।

बिहीबार घरमै सुतिरहेका बेला चट्याङ लागेकी सिद्धि–२ की १७ वर्षीया चन्द्रमायाँ चेपाङको ज्यान गएको जिल्ला प्रहरी कार्यालय चितवनले जानकारी दिएको छ ।

चितवनका प्रहरी प्रमुख प्रहरी उपरीक्षक वसन्तबहादुर कुँवरका अनुसार घरमै सतिरहेका बेला बिहीवार चट्याङ लागेर गम्भीर घाइते भएकी उनको उपचारका क्रममा भरतपुर अस्पतालमा ज्यान गएको छ । पछिल्ला केही दिनदेखि चितवनमा हावाहुरी र वर्षा हुने क्रम चलिरहेको छ । ठाउँठाउँमा असिनासमेत परेको छ । रासस