सुरुङ्गा (झापा), २२ फागुन । सूचना तथा सञ्चारमन्त्री शेरधन राईले अहिले सरकार परिवर्तन असम्भव रहेको बताउनुभएको छ ।
प्रेस चौतारी झापाले आज दमकमा आयोजना गरेको पत्रकार सम्मेलनमा बोल्दै मन्त्री राईले लोकतन्त्रमा सरकार परिवर्तन सामान्य कुरा भएपनि वर्तमान सरकार परिवर्तन नहुने बताउनुभयो । सरकारको विकल्प खोज्नुभन्दा यही सरकारलाई विस्तार गरेर अघि बढ्नु उत्तम विकल्प हो, उहाँले भन्नुभयो ।
उहाँले नेपाली काँग्रेस संविधान कार्यान्वयनका बेला किनारा लागेको बताउँदै राष्ट्रिय सरकारमा जसरी पनि आउनुपर्ने धारणा राख्नुभयो । यो संविधानको मूल जगमा रहेर सरकार बनेकाले संविधान कार्यान्वयन, पुनःनिर्माण र विकास निर्माणका कार्यलाई अघि बढाउँदै लैजाने मन्त्री राईले बताउनुभयो । रासस
No comments:
Post a Comment