वालिङ, २७ फागुन । नेपाल सरकारका पशुपक्षी विकास मन्त्री शान्ता मानवीले व्यावसायिक पशुपालक किसानलाई सहुलियत दरमा ऋण उपलब्ध गराइने बताउनुभएको छ ।
युवाका लागि बाख्रा गाउँ अभियान, स्याङ्जाले बुधबार वालिङमा आयोजना गरेको नेपालमा ‘बाख्रापालनको सम्भावना, समस्या, अवसर र चुनौती विषयक’ एकदिने गोष्ठीको उद्घाटन गर्दै मन्त्री मानवीले व्यावसायिक कृषककालागि सहज र सरल तरिकाले ऋण उपलब्ध गराउनका लागि मन्त्रालयगतरुपमा काम अगाडि बढिरहेको जानकारी दिनुभयो ।
“पशुप ालक कृषकलाई अनुदान दिन सरकार तयार छ”, मन्त्री मानवीले भन्नुभयो – “अनुदान पाउनका लागिमात्रै फर्महरु सञ्चालन गर्नेहरुमाथि भने अब सरकार कडा नीति अगाडि सार्ने योजनामा छ ।”
उहाँले देशलाई मासु, अन्डा र दूधमा आत्मनिर्भर बनाउन सक्नुपर्नेतर्फ जोड दिँदै अब परम्परागत तवरले पशुपालन व्यवसाय सञ्चालन नगरी उन्नत तथा आधुनिक तौरतरिकाको अवलम्बन गर्न जरुरी रहेको धारणा व्यक्त गर्नुभयो ।
मन्त्री मानवीले पशुपक्षीका विषयलाई माध्यमिक तहसम्मको पाठ्यक्रममा समावेश गर्नका लागि विषय विज्ञहरुसँग पनि मन्त्रालय छलफल तथा परामर्शको तयारीमा रहेको बताउनुभयो ।
चवालीस जिल्लाका झन्डै ४०० बाख्रापालन किसानको सहभागिता रहेको उक्त गोष्ठीले १५ बुँदे स्याङ्जा घोषणापत्र जारी गरी मन्त्री मानवीलाई प्रदान गरेको छ । रासस
No comments:
Post a Comment