राष्ट्रपति–मुख्यमन्त्री भेटवार्ता

काठमाडौँ, १९ फागुन । राष्ट्रपति विद्यादेवी भण्डारीले आज भारत विहारका मुख्यमन्त्री नितीश कुमारसँग भेटवार्ता गर्नुभएको छ ।
राष्ट्रपति भवन शीतल निवासमा भएको उक्त भेटका क्रममा नेपाल र भारतबीच सदियौँदेखि जनस्तरमा रहिआएको सामाजिक, सांस्कृतिक र भावनात्मक सम्बन्धका बारेमा चर्चा भएको राष्ट्रपति कार्यालयद्वारा जारी विज्ञप्तिमा उल्लेख गरिएको छ ।
साथै दुई देशबीचको सहयोग र हित प्रवद्र्धन गर्दै आपसी सम्बन्धलाई अझै प्रगाढ बनाउनेलगायतका विषयमा छलफल भयो । भेटका क्रममा भारतको जनता दल युनाइटेडका नेता केसी त्यागी, नेपालका लागि भारतका राजदूत रणजीत रायको उपस्थिति रहेको विज्ञप्तिमा उल्लेख छ ।

मुख्यमन्त्री नितीशकुमार नेपाली काँग्रेसको १३आँै महाधिवेशनको उद्घाटन सत्रमा भाग लिन आज नेपाल आउनुभएको हो । रासस