आगलागी पाँच घर नष्ट

भोजपुर, १७ वैशाख । सदरमुकामको तीनधारे सल्लेरी सामुदायिक वनमा लागेको आगो बस्तीमा पस्दा स्थानीयवासीका पाँच घर जलेर ध्वस्त भएका छन् ।
आज अपराह्न लागेको उक्त आगलागीबाट भोजपुर नगरपालिका–१० का जगतराम श्रेष्ठ, केशव श्रेष्ठ र मनकुमार श्रेष्ठक घर जल्नाका साथै जगतरामका घरमा रहेको कुखुरा फार्मसमेत जल्दा ४५० कुखुरा मरेका छन् ।
आगलागीबाट करिब रु सात लाख ५० हजार बराबरको क्षति भएको जिल्ला प्रहरी कार्यालयले जनाएको छ । आगलागी साँझ नेपाली सेना, नेपाल प्रहरी र स्थानीयवासीको सहयोगमा नियन्त्रणमा लिइएको छ । रासस