काठमाडौँ, ६ वैशाख । सरकारले गौतम बुद्धका बारेमा भइरहेको गलत प्रचार र भ्रमलाई अन्त्य गर्ने उद्देश्यले आगामी जेठमा नेपालमा अन्तर्राष्ट्रिय बुद्ध सम्मेलन गर्ने तयारी गरेको छ ।
सरकारले दुई हजार ५६० औँ बुद्धजयन्तीका अवसरमा जेठ ६, ७ र ८ गते गर्न लागेको उक्त सम्मेलनबाट बुद्ध नेपाल बाहिर जन्मिएको लगायत गलत प्रचारको अन्त्य हुने विश्वास लिएको छ ।
सम्मेलनको विषयलाई लिएर संस्कृति, पर्यटन तथा नागरिक उड्डयन मन्त्रालयले आज यहाँ लुम्बिनी अञ्चलका सांसदसँग सम्मेलन सफल बनाउने विषयमा भएको छलफल गरेको छ । सो अवसरमा लुम्बिनी अञ्चलका सांसद तथा उद्योगमन्त्री सोमनाथ पाण्डेयले बुद्ध नेपालमा जन्मी सम्प्रदाय निर्माण गरेर मात्र अन्य देशका गर्ई क्रियाकलाप गरेको भन्ने कुरा विश्वलाई चिनाउन आवश्यक रहेको बताउनुभयो । उहाँले बुद्ध भारतमा जन्मिएको भनी पाठ्यपुस्तकमा लेखिएका कुरा सच्याउन समेत अन्तर्राष्ट्रिय सम्मेलनले सहयोग पु¥याउने विश्वास व्यक्त गर्नुभयो ।
संस्कृतिमन्त्री आनन्दपप्रसाद पोखरेलले गौतम बुद्धले नेपालको लुम्बिनीमा जन्मँदै बुद्धत्व प्राप्त नगरेको भए २९ वर्षका उमेरमा परिवार, दरबार र श्रीपेच छाड्न सक्दैनथे भन्नुभयो । उहाँले बौद्ध धर्मका सम्प्रदाय हीनयान, वज्रयान र महायान पनि नेपालबाटै सुरु भएको जिकिर गर्नुभयो ।
लुम्बिनी अञ्चलबाट प्रतिनिधित्व गर्ने सांसद सुवर्ण ज्वारचन, राधाकृष्ण कँडेल, दिलशोभा पुन, तुलसा राना, जीवन श्रेष्ठ, सिर्जना तरामु खत्री लगायतले बुद्ध भूमिप्रतिको न्यायका लागि अन्तर्राष्ट्रिय बौद्ध सम्मेलन जरुरी भएको विचार राख्नुभएको थियो ।
सरकारले सम्मेलनको तयारीस्वरुप १०१ मूल आयोजक समारोह समिति र १३ उपसमिति गठन गर्नाका साथै बुद्ध धर्म मान्ने २३ देशका संस्कृतिमन्त्रीलाई निमन्त्रणा पठाइसकेको छ । सम्मेलनका लागि संयुक्त राष्ट्र सङ्घका महासचिव वान की– मुनलाई मन्त्री पोखरेलले निमन्त्रणा गरिसक्नुभएको छ । भारतीय प्रधानमन्त्री नरेन्द्र मोदीलाई निमन्त्रणा गर्न उहाँ केही दिनमा जानु हुुनेछ । रासस
No comments:
Post a Comment