त्ुालसीपुर (दाङ), २ वैशाख । राजपुर गाविस–४ सिमलखुट्टीमा आज भएको आगलागीमा सात घरगोठ जलेर नष्ट भएका छन् ।
स्थानीयवासी मीना भण्डारीका अनुसार काजोल सामुदायिक वन उपभोक्ता समूहमा लागेको डढेलो दिउँसो बस्तीमा पसेपछि ती घर जलेका हुन् ।
आगलागीबाट नीरज घर्ती, ओबिराम घर्ती, आसबहादुर घर्ती, राममाया घर्ती लगायतका घरगोठ जलेर नष्ट भएको र क्षतिको विवरण आउन बाँकी रहेको जिल्ला प्रहरी कार्यालयले जनाएको छ ।
आगलागी सुरु भएलगत्तै स्थानीयवासी र प्रहरीले आगो निभाउन सुरु गरे पनि हावाहुरीका कारण अअझै पूर्ण रुपमा नियन्त्रणमा आउन नसकेको बताइएको छ । यसअघि गत चैत २९ गते गङ्गापरस्पुर गाविस–८ को वाकी गाउँ र वडा नं ६ को खज्रौटामा आगलागी हुँदा एक सय घरगोठ जलेका थिए । रासस
No comments:
Post a Comment