पोखरा, १६ वैशाख । पोखराको फिर्के पुल नजिक आज दिउँसो ट्रकले मोटरसाइकललाई ठक्कर दिँदा मोटरसाइकल चालकको मृत्यु भएको छ ।
ना६ख ३६१० नंको ट्रकले ग६प ९६६६ नंको मोटरसाइकललाई ठक्कर दिँदा मोटरसाइकल चालक पोखरा बगर निवासी ६८ वर्षीय वुद्धिबहादुर गुरुङको मृत्यु भएको हो ।
ठक्करबाट सख्त घाइते भएका गुरुङको पश्चिमाञ्चल क्षेत्रीय अस्पतालमा उपचारका क्रममा मृत्यु भएको जिल्ला प्रहरी कार्यालय कास्कीले जनाएको छ । ट्रकका चालक प्रहरीको सम्पर्कमा आएको बताइएको छ । रासस
No comments:
Post a Comment