सभापति देउवाद्वारा दुःख व्यक्त

काठमाडौँ, ६ वैशाख । नेपाली काँग्रेसका सभापति शेरबहादुर देउवाले जापानको दक्षिणी भूभाग तथा दक्षिण अमेरिकी देश इक्वेडरमा हालै गएको शक्तिशाली भूकम्पका कारण जनधनको ठूलो क्षति भएकामा दुःख व्यक्त गर्नुभएको छ ।
आज प्रेस विज्ञप्ति जारी गर्दै उहाँले भूकम्पमा परी ज्यान गुमाउने सम्पूर्णको आत्माको चिर शान्तिको कामना गर्नुभएको छ । पूर्वप्रधानमन्त्री देउवाले दुःखको यस घडीमा जापान र इक्वेडर सरकार तथा त्यहाँका जनताप्रति आफ्नो र पार्टीका तर्फबाट सहानुभूति प्रकट गर्दै शोकाकुल परिवारजनमा समवेदनाका साथ घाइतेको शीघ्र स्वास्थ्यलाभको कामना गर्नुभएको छ । रासस