भोजपुर, ५ जेठ । गत वर्ष गएको विनाशकारी भूकम्पमा परी ध्वस्त भएका घर पुनःनिर्माणका लागि सात लाख क्युबिक फिट काठ उपलब्ध गराइने भएको छ ।
जिल्ला वन कार्यालयमा आज बसेको सरोकारवाला निकायको बैठकले पीडितका लागि आवश्कताअनुसार जिल्लाका सामुदायिक वनबाट निःशुल्क रुपमा काठ उपलब्ध गराइने निर्णय गरेको हो ।
जिल्लाका तीन हजार सातसय पूर्ण क्षति र छ हजार एकसय आशिंक क्षति भएका घर निर्माणका लागि पीडित परिवारलाई आगामी पाँच वर्षसम्म सामुदायिक वनबाट काठ उपलब्ध गराउने निर्णय भएको सहायक वन अधिकृत वीरेन्द्र महासेठले जानकारी दिनुभयो ।
हालसम्म जिल्लाका ५५४ घरधुरीलाई सात हजार क्युविक फिट काठ उपलब्ध गराइसकिएको उहाँको भनाइ थियो । रासस
No comments:
Post a Comment