काठमाडौँ, १७ जेठ । नेपाली महावाणिज्य दूतावास कोलकाताले नवौँ गणतन्त्र दिवस यही जेठ १४, १५ र १६ गते विभिन्न कार्यक्रम गरी मनाएको छ ।
कार्यक्रम अन्तर्गत जेठ १५ गते साँझ आयोजित कार्यक्रममा कावा महावाणिज्यदूत सीता बस्नेतले नेपालमा गणतन्त्रको स्थापना, यसको आवश्यकता, संरक्षण र चुनौती तथा हालका दिनमा नियोगको गतिविधिबारे जानकारी गराउनुभएको थियो ।
कार्यक्रममा कोलकाता, दुर्गापुर, हावडा तथा पश्चिम बङ्गालका विभिन्न नेपाली सङ्घसंस्थाका प्रतिनिधि, सञ्चारकर्मी, बुद्धिजीवी, साहित्यकार, उद्योगीलगायत दूतावासका पदाधिकारीको सहभागिता थियो ।
यस्तै जेठ १४ गते बिहान नियोग परिसरमा वृक्षरोपण र जेठ १६ गते नियोगका कर्मचारीबीच आन्तरिक खेलकुद प्रतियोगिता गरिएको नेपाली महावाणिज्य दूतावास कोलकाताले जनाएको छ । रासस
No comments:
Post a Comment