मन्त्रालयबाट दुई क्विन्टल फोहर व्यवस्थापन

काठमाडौँ, २४ वैशाख । एनेकपा (माओवादी) निकट नेपाल राष्ट्रिय कर्मचारी सङ्गठन केन्द्रीय समिति निजामतीले सिंहदरबारभित्रका सबै मन्त्रालय तथा त्यस आसपासमा सरसफाइ गरेको छ ।
त्यस क्षेत्रमा जम्मा भएका प्लास्टिक, कपडा, बोरा, कागजका टुक्रा लगायतका दुई क्विन्टल फोहर व्यवस्थापन गरियो । सङ्गठनका अध्यक्ष मोहनमान स्वाँरले निजामती क्षेत्रलाई पारदर्शी र व्यवस्थित गराउन तथा कर्मचारीको वृत्ति विकासमा आफ्नो सङ्गठन सक्रिय रहेको बताउनुभयो । रासस